Anagkazo (Nakahihimok na Kapangyarihan)

By Dag Heward-Mills

Alamin ang tungkol sa nakahihimok na kapangyarihang ito na nagdudulot upang maging epektibo at mabunga sa pangangaral ng ebanghelyo maging sa harap ng pagsalungat, pagdadahilan, hinala, pagkagalit atbp.
Sa pamamagitan ng aklat na ito ni Dag Heward-Mills ikaw aymaaaring maging isang mang-aakay ng kaluluwa nang higit kailanpaman.

• Language: Tagalog
• Publisher: Dag Heward-Mills
• Release date: Apr 9, 2018
• ISBN: 9781683986539

Dag Heward-Mills

Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.

Book preview

Kabanata 1

Anagkazo, Biazo at Anaideia

…Pumaroon ka sa mga daan at sa mga bakuran, at pilitin [anagkazo] mo silang magsipasok, upang mapuno ang aking bahay.

Lucas 14:23

Ano Ang Anagkazo?

Ang Anagkazo ay nangangahulugang piltin . Ito rin ay nangangahulugang kailanganin, pursigihin, at puwersahin sa anumang paraan gaya ng dahas, pagbabanta, paghimok, at pagmamakaawa.

Minsan kailangan nating balikan ang salitang Griego upang maunawaan ang orihinal na kahulugan ng ilan sa mga salita sa Bibliya. Makikita mo, Ang Bagong Tipan ay isinalin mula sa wikang Griyego at ang Lumang Tipan ay mula sa wikang Hebreo. Ang Anagkazo ay isinalin na salitang Griego na pilitin.

May isa pang malapit na nauugnay na salitang Griyego na Biazo.

Ano Ang Biazo?

Ang Biazo ay isang salitang Griyego na matatagpuan sa Mateo 11 na nangangahulugang "gumamit ng lakas o ipilit ang pamamaraan ng isa para sa isang bagay". Ito ang isang katangiang nakita ko na hindi tinataglay ng mga grupong Kristiyano. Tayo ay pursigido sa lahat ng bagay, maliban sa gawain ng Diyos. Tayo ay pursigido sa ating mga trabaho, ating mga kasintahan, ating pag-aasawa at ating kinabukasan. Subalit pagdating sa gawain ng Diyos, tayo ay parang mga mailap na daga!

Kapag ako ay nakakakita ng mga patalastas sa telebisyon, naiisip ko na may mga kalipunan ng tao na malaki ang tiwala sa kanilang mga iniaalok. Sila ay may buong pagtitiwala na nagagawa nilang kantahin ang mga kahali-halinang mga awitin tungkol sa kung gaano kaganda ang kanilang produkto.

Ang mga nag-aanunsiyo ng alkohol ay ilan sa mga pinakamagagaling sa negosyo. Alam natin na ang serbesa at alak ay pumapatay at sumisira ng mga kabataan. Ang alkohol ay bumuwag na ng mga tahanan, sumira ng maraming pagsasama ng mag-asawa, nagiging sanhi ng maraming aksidente sa pagmamaneho, at nagsisimula ng maraming mga digmaan at labanan nang higit sa ano pang bagay sa mundo. Subalit, ito ay iniaanunsiyo at itinataguyod pa rin nang walang tigil.

Ang serbesa ay dahilan ng maraming sakuna, na nagdulot ng mga kamatayan sa hindi mabilang na dami ng mga tao. Subalit may mga nakangiting tao parin sa telebisyon, na nagsasabi sa atin na ito ang lakas na ating kinakailangan. Ang mga patalastas na ito ay ipinipilit sa ating mga lalamunan. Tayo ay sapilitang pinaniniwala sa mga bagay na hindi totoo.

Bagaman ang alak ay ang solusyon ng diablo tayo ay nahihimok na mapaniwala sa kabaligtaran nito.

Kapag naisip ko ang pagiging pursigido ng mga taong nagnanais na kumita ng salapi sa anumang paraan, naiisip ko na ang Kristiyano ay may mas malalim na dahilan na maging pursigido. Pero bakit tayong mga Kristiyano ay kumikilos na parang