Hy sou nooit kon dink toe hy as seuntjie by ‘n karateklas instap, waar dit hom oral heen sou lei nie. Vandag besit Ashley Robinson (32) sy eie gym en is hy ‘n stuntman wat al werk in flieks die wêreld oor gedoen het! En hy kwyt hom só goed van sy taak dat hy in 2022 vir ‘n gesogte Screen Actors Guild Award vir sy stunt-werk benoem is in die Oscar-wenner Viola Davis se aksiefliek The Woman King.
Hy't in ‘n rowwe buurt grootgeword, sê hy. “Ken jy Chicago? Hulle noem dit die ‘Cape Flats van die Paarl’. Dis baie rof,” sê dié Bolander. “Gaan doen gerus navorsing as jy regtig wil verstaan.”
Hy het daar grootgeword en was net drie en ‘n half toe sy ouers hom karate laat doen het om hom van die strate af
