INSPIRASIE
Om fiks te wees beteken nie jy hoef elke maand jou swaarverdiende sente op ’n duur gym membership te blaas nie. Vra maar net vir Roydon Filander (33).
Dié jong man van Eersterivier in die Kaap werk as ’n batebestuursklerk by Groote Schuur-hospitaal, maar in sy vrye tyd help hy mense in sy gemeenskap fiks en gesond bly met R10-bootcamps.
“As kind was ek ’n baie aktiewe mens,” vertel Roydon. “Rondhardloop en sport was altyd my ding. As tiener was ek netso aktief. Ek het op laerskool begin rugby speel.
“My pa, Royce (60), is baie gesond. Hy hou net baie van eet. Ek't foto's van my pa gesien in sy ‘eerste’ lewe – die een voor ons familie. In dié lewe was hy baie aktief. Hy was die ou met
