‘SUID-AFRIKA SAL ALTYD ’N DEEL VAN MY WEES EN EK IS ’N DEEL VAN DIE LAND SE GESKIEDENIS – DIS HOEKOM DIT MOEILIK IS OM WEG TE GAAN’
OP HIERDIE strand, in hierdie stad van haar hart, het sy al vir baie foto’s poseer. Hier het sy as model en beroepsvrou gewoeker. Haar onderneming sien floreer. Haar kinders sien grootword.
Nou is dit tyd om te groet – darem nie heeltemal nie, want sy sal nog kom kuier en soms hier kom werk. Maar haar tuiste? Dít verskuif sy nou na die ander kant van die Indiese Oseaan, ver van hierdie stukkie hemel aan die voetenent van Tafelberg, haar hartsplek in Kampsbaai.
Dis ’n kort rukkie nadat Cindy Nell-Roberts die nuus bekendgemaak het dat sy en haar gesin na Australië geëmigreer het. Sy’s weer terug op eie bodem vir werk toe met haar gesels oor hul groot trek, maar net vir ’n kort besoek, want haar gesin se lewe ontvou