Dis moeilik om jou in te dink hoe bang ‘n kind met kanker moet wees. Die gedurige pyn en die onsekerheid oor môre is vir grootmense traumaties – wat nog te sê kinders, wat dalk nie mooi verstaan wat met hulle gebeur nie. Selfs die vreemde mediese toerusting en behandeling kan vreesaanjaend wees.
Vra maar vir Janica Smit, ‘n radioterapeut by die Life Eugene Marais-hospitaal in Pretoria, want sy word byna elke dag met die vrese van siek kinders in die onkologie-afdeling gekonfronteer.
Vir pasiëntjies met gewasse in die kop of keel kan die termoplastiese maskers wat hulle moet dra, veral skrikwekkend wees. Dis deursigtig, maar sit styf, want dit word individueel oor die gesig en nek van elke