Stel jou voor: Jy stap uiteindelik ná gevangenskap uit die roetine van die tronk die onbekende in. Jy's op pad terug na ‘n huis (as jy gelukkig is) – waar jy waarskynlik soos ‘n vreemdeling gaan voel.
Dan volg dié struikelblok: werkgewers wat jou aansoeke één kyk gee en afgesit word, want jou status wys “oudgevangene”. Misdaad seëvier, so hulle voel geregverdig in hul wantroue. En behoed hulle as die oudgevangene tronkstraf uitgedien het vir ‘n ernstige misdryf.
Of jy nou glo almal verdien ‘n tweede kans of nie, dinge speel nie altyd goed uit vir oudmisdadigers en -gevangenes nie. En só begin ‘n bose kringloop vir talle – reguit terug tronk toe …
Daar ís egter ligpunte. Soos die Gangstar Café in Mowbray in die Kaap, waar elke koppie koffie wat verkoop word, eks-oortreders se lewe transformeer en só die siklus van heroortreding breek.
