Sy kom van min af en ken van stroomop swem. Toe beitel Julinda Gantana iets uit daai min, en vandag staan sy trots haar skoene vol as die eerste vroulike hoof van die Wes-Kaapse tesourie.
Sy is haar lewe lank ‘n go-getter, sê Julinda (54). Haar ouers het in haar en haar jonger sus, Colleen, belê, selfs te midde van swaarkry. Ma Magdalene (87) was die softie, en pa Nathaniel (oftewel “Natie”) het g'n dinges van kabouters gevat nie. “Kyk, ek kom van niks af, maar my storie is soos baie ander s'n op die Kaapse Vlakte.”
Haar ouers, fabriekswerkers, het graad 8 agter hul name. “Hulle moes vroeg gaan werk; kop en lyf aan die gang hou. Hulle was streng en my pa het
