Sy lyk kleiner, en beweeg effens skigtig. Maar sy is regop. Haar onhebbelike skaterlag en humorsin is nog hier.
“Laas jaar was my annus horribilis . . . ek’t nooit gedink ek sou koningin Elizabeth aanhaal nie!” Haar sagte bry skets tussendeur die skrikwekkende detail van hoe haar lewe op 3 Februarie 2023 ingrypend verander het. Tussen gewigtige sinne skitter ongebreidelde humor.
Ons gesels op haar kuierstoep, waar gewilde boekegesprekke byna weekliks aangebied word. En waar die ongeluk-balkon was waar alles gebeur het.
“Ek is iemand wat my goetertjies ’n bietjie by myself hou, nie alles uitblaker nie . . . maar oor hierdie geval sal ek praat, dis ’n geleentheid om my geloof uit te dra.”
Daardie Vrydagoggend tree Marga uit die boonste vertrek van haar huis in Garsfontein, Pretoria. Sy trap op die houtbalkon en draai om, na die voornemende sonpaneelinstalleerder, Victor*. Van hier kan sy maklik die panele se moontlike plasing uitwys. “Hy is nog binne, en ek draai om om
