’N NUWE MENS NÁ MY SEER
DIE ONTVOERDER IS BY ONTPLOFPUNT. ‘EK HET NIKS UIT DIE DEAL GEKRY NIE. NOU MOET EK JOU DOODMAAK; JY WEET TE VEEL’
HOE staan jy op as die lewe jou platgeslaan het? En hoe beweeg jy aan as jy voel asof alles tot niet is?
In sy nuwe boek, Meer as jou seerkry, ondersoek die Huisgenoot-herskrywer Johannes de Villiers maniere om ’n pad uit die puin van uiteenlopende verlies, verdriet en vernietiging te vind.
Johannes, ook die skrywer van die boeke Kalmte in die malle gejaag en Blydskap: Mindfulness-wenke vir ’n vreugdevolle lewe, het aan sy jongste boek begin skryf nadat hy die afgelope paar jare self ’n paar moeilike draaie deur die lewe gestap het.
Hy het gaan aanklop by terapeute en kenners vir raad, en ook geluister na die verhale van gewone mense wat uit hul seer moes opstaan.
Wat hy gevind het? “Groei is nie om veerkragtig terug te bons na wie
