NUUT OP TV
DIE UITDAGING
In dié adrenalien-belaaide, 10-episode reality show daag die aanbieder, Iana Strydom 10 celebs – soos die akteur-regisseur Christo Davids, en die TV- en radioaanbieder Zoë Brown – uit om hul vrese head-on te pak.
Christo beproef ’n sweefvliegtuig. Duisende kilometer in die lug word die enjin dan afgesit en sweef hulle letterlik – oe, naelbyter!
Zoë spring weer van die Bloukransbrug af in Tsitsikamma – op 216 meter die hoogste brug in Afrika.
Die -akteur Hykie Berg valskermspring. “Wanneer jy langs Hykie in ’n vliegtuig duisende meters in die lug staan, en jy spring uit, kamera in die hand, om sy gesigsuitdrukking vas te vang, ervaar jy menslikheid op ’n nuwe vlak,” sê MichaelOdendaal, regisseur van die reeks. ”Om te maak was sélf ’n uitdaging. Ons het natgereën en berge uitgeklim met toerusting op ons rûe. Dit was die mees vervullende en wonderlike projek om aan te kon werk.”