‘ONS IS STEEDS GEREELD IN DIE STAD, EN ONS KINDERS KRY DIE BESTE VAN TWEE WÊRELDE. EK DINK MIN GESINNE IS SO BEVOORREG’
DIE mielieland staan groen en geil, dankbaar vir die milde reën van vroeër die dag. ’n Trop beeste, spekvet met hul vel helderblink, wei lui-lui op die uitgestrekte grasheuwels.
Dis hier, duskant die kronkelende Meulrivier naby Warden in die Oos-Vrystaat, waar die sandsteenhuis van die televisie-kragpaar David Louw (36) en Christel van den Bergh (40) is. Net meer as ’n jaar terug het hulle ’n plekkie hier in die paradys kom vind.
“Hierdie plek,” sê David terwyl hy ’n sluk van sy boeretroos vat en verwonderend oor die plaas Claremont kyk. “Hierdie plek is my hart en siel.”
het sowat ’n jaar gelede die eerste keer by die twee hier op hul plaas kom kuier. Dit