DIE oefensak dreun wanneer die vrou in die wit karatepak dit met blitsige houe moker. Dan uiter sy ’n kreet om haar krag en energie te fokus, gereed vir die volgende gevegsoefening.
Dis dalk ’n toneel wat hom gereeld in dojo’s afspeel. Maar dié is g’n gewone student nie. Want op die rype ouderdom van 70 het Romy Kloppers onlangs die reg verdien om die gesogte swart gordel (eerste dan) om haar middel vas te knoop.
Dit beteken dié Vanderbijlparkse ouma het die tegnieke van die Oosterse gevegskuns nou goed onder die knie.
Haar sensei, soos karatemeesters heet, lyk heel ingenome, maar Romy is nog lank nie gereed vir