KOS
NOW & THEN
TESSA KIROS (MURDOCH, R695)
Hierdie boek is die gewilde kosskrywer Tessa Kiros se persoonlike oorsig oor 'n leeftyd van kosmaak en eet. Met haar tipies vrygewige gees nooi Tessa lesers na haar kombuis waar sy wys wat sy tans kook: 'n opwindende mengsel van nuwe ontdekkings en immergroen gunstelinge wat die verskillende drade van haar lewe bymekaartrek. Hoewel die Toskaanse platteland al vir meer as twee dekades haar tuiste is, bly haar invloede wonderlik divers: haar kinderjare in Suid-Afrika, reise na Mexiko en New Orleans as 'n jong volwassene, gereelde besoeke aan familie in Thailand en Griekeland, en bowe alles 'n groeiende waardering vir ligter plantgebaseerde kos. Deels memoires, deels reisgids, deels kosreis, en natuurlik 'n lieflike kookboek met meer as 150 resepte.
FLAVOUR
SABRINA GHAYOUR (OCTOPUS, R715)
Dié topverkoper- Midde-Oosterse sjef se jongste boek bevat meer as 100 resepte waarin geur – en 'n Midde-Oosterse kinkel – die botoon voer. ‘Die resepte wat ek skryf, moet aan drie woorde gestalte gee: eenvoudig, geurig en ekonomies … Om by dié beginsels te hou verkies ek om resepte te skep wat eerlik, toeganklik, aanpasbaar en altyd boordens toe vol geur is,’ verduidelik Sabrina in die
