SY GAAN ’n haas uit ’n hoed moet haal as sy vanjaar wil oorleef, weet Jana. Haar stalletjie op die mark is veronderstel om pret te wees, maar dis eerder ’n bietjie pateties. Sy kort ’n lokaas.
Die wit plastiekhen in die tweedehandswinkel is dalk die ding. Dit lyk tog te oulik, so rond en broeis. ’n Mens sit ’n eier binne-in, en dan kook jy dit in jou mikro. Die hen kos net R10. Jippie. Die eerste maal in weke voel Jana daar is weer hoop vir haar klein besigheid. Sy het ’n depro geslaan ná haar onlangse egskeiding. Dit was so ’n morsige affêre. As sy net daaraan dink, frons sy so erg dat mense dink sy’s die Skeurvallei in Afrika. Die frons is een van die dinge wat haar stalletjie kniehalter, vermoed sy. Bokka, dis haar vriend op die mark, dink ook so, maar hy het raad. “Don’t worry. Be happy. Kry ’n ysbreker. Dan kan
