Hierdie nuwe Hunger Games-fliek speel af dekades vóór Katniss Everdeen die distopiese heerser van Panem, Coriolanus Snow, uitgedaag het.
In The Ballad of Songbirds and Snakes, gegrond op die jeugboek deur Suzanne Collins, is Snow (Tom Blyth) 18 jaar oud en die laaste hoop van ’n eens trotse familie wat in amperse armoede in die ná-oorlogse Capitol woon.
Voor die 10de jaarlikse Hunger Games kry hy die opdrag om ’n mentor te wees vir Lucy Gray Baird (Rachel Zegler). En nadat sy die hele Panem se aandag op haar gevestig het deur in die middel van die Reaping-seremonie te begin sing, reken Snow hy kan dalk die geluk in haar guns laat draai.