The Undoing

HOPE KINKELS

Dit gons oor dié Amerikaanse dramareeks wat op Jean Hanff Korelitz se boek van 2014 gegrond is. Die ses episodes gaan oor die egpaar Grace en Jonathan Fraser (Nicole Kidman en Hugh Grant) van New York. Dit lyk of hulle die perfekte lewe het. Grace is ’n suksesvolle terapeut met haar eie praktyk en Jonathan is ’n kinderonkoloog. Hulle bly in die rykmansbuurt Upper East Side in Manhattan, en hul 12-jarige seun, Henry (Noah Jupe), is ’n leerder aan ’n eliteprivaat skool. Maar dan tuimel die kaartehuis ineen.