Nog lank nie koud
Ek sit nou agteroor en lees die nuutste Ry & Sleep – en verwonder my aan al die spogwaens: Is al hierdie luukses in die bos werklik nodig? Vir seker!
Hierdie agterpaaie-ouma is dalk ’n bietjie verkramp en glo hoe minder goed kan skud, hoe kleiner is jou kans op moeilikheid.
Ná my man, Koos, se afsterwe in 2004 het ek my Jurgens Penta verruil vir ’n Conqueror Commander, uit die boks. Ek en my seun, Woudter, het verskeie boswaopsies bekyk, maar ek wou iets hê wat ek alleen kan hanteer en opslaan. Ek is ’n korterige ouma van 71 en kom nog steeds oor die weg.