POSBUS 1802, KAAPSTAD 8000; e-pos: lbw@landbou.com
Regering plaas SA se toekoms op die spel
Aanvanklik, toe daar nog vier provinsies was, het elke provinsie oor sy eie landboukollege beskik waar voornemende jong boere in teorie en praktyk opgelei kon word. Die Laeveld (Nelspruit) het ook in latere jare ’n kollege gekry, terwyl Namibië oor sy eie kollege beskik het. Waardevolle kortkursusse wat groot byval by boere gevind het, is ook deurlopend by kolleges aangebied.
Onder die nuwe bedeling is die agteruitgang by kolleges veelseggend. Die Landboukollege Glen buite Bloemfontein is blykbaar funksioneel die ergste getref, hoewel die geboue glo nog in ’n goeie toestand is. Onderrig het verswak, terwyl toebehore vir praktiese onderrig blykbaar verdwyn het of vir skroot verkoop is.
Die vyf stoeterye wat daar was (vir onderrig) bestaan glo ook nie meer nie, terwyl die weiding deur vreemde mense se diere benut word. Nou is daar niks meer om studente te onderrig nie.
Suid-Afrika se werkloosheidsyfer van nagenoeg 40% is onrusbarend. Volgens kenners kan dit selfs die ekonomie kelder. Toelaes aan werkloses is uitsluitlik om die menigtes gelukkig te hou en om stemme te koop.
Slegs volhoubare ekonomiese groei wat hoog genoeg is, sal die land se hoë werkloosheidsyfer laat
