Brief uit die buiteland
LIGGING Kanada
Inligting: Humboldt, Saskatchewan
KORTOM
■ Besproeiingsboere van Vaalharts boer al langer as ’n dekade in die middel van Kanada op droëland met gars, kanola, ertjies en koring.
■ Die hele familie is betrokke by die boerdery, en strooptyd bly die kinders selfs uit die skool om te help.
■ Die kontras tussen boerderytoestande in Suid-Afrika en Kanada is groot, met die landbouvriendelike Kanadese regering die grootste pluspunt.
Vertel meer van jul boerdery.
Ons boer 30 km oos van die dorp Humboldt in die Saskatchewan-provinsie met gars, kanola, ertjies en koring. Die gebied is ook bekend om gewasse soos hawer, fababone, vlas- en kanariesaad, en mosterd. Na die suidekant plant hulle ook sojabone.
Dit is ’n somerreënstreek, met temperature wat wissel van 18 °C tot 36 °C. Die dae is baie lank, wat gunstig is vir die gewasse om te groei om betyds ryp te word voor strooptyd.
Ons plant tans op 2 000 ha, met die plan om elke jaar met 25% uit te brei. Ons is nog in die groeifase. Die opbergingsvermoë op die plaas is vir 75% van die oes. Ons doen vooruitbemarking om graan van die stroper af in te ry vir kontantvloeidoeleindes en die res word in die silo’s op die plaas opgeberg.
Vanjaar was ons op
