Veldrestourasie
In dele van die Karoo is die verswakking van die veld só erg dat net radikale ingryping dit op ’n manier kan rehabiliteer. Dit kán egter gedoen word, soos ’n grondeienaar van Fraserburg bewys het. Sy metodes is arbeidsintensief en tydsaam, maar hy kry resultate.
Toe Henk en Sarita Louwrens 25 jaar gelede ’n plaas by Fraserburg gekoop het, het hulle dadelik begin om die vloei van reënwater oor die grond en veld stadiger te maak om soveel moontlik daarvan in die grond vas te vang.
Hulle het walletjies van klippe en kontoere van ou motorbande laat pak om die spoed van die water te breek en afloop te beperk. Dit het erosie verminder en help dat water eerder in die veld en grond bly as om weg te loop.
Die water en grond wat net bo die walle versamel, vang ook sade vas sodat plante daar begin vestig het.
Henk beskou homself as ’n
