Hulle pose soos gesoute modelle voor die flitsende kamera. Die hegte band tussen ma en dogter is duidelik en amper tasbaar wanneer hulle gemaklik en styf teen mekaar skuif, om op ‘n mooi sonskyn- en windstil-Saterdagmiddag in ’n hotel in Gordonsbaai buite Kaapstad hul lyf voorbladsterre vir Kuier te hou. Een ding is seker: Liefde woon hier.
Melanie du Bois (48) en haar ewe beeldskone krulkopdogter, Roxy (17), het hul harte op die Kaap verloor.
Sy’s eintlik ’n Jozi girl, vertel dié dinamiese aktrise, wie se indrukwekkende loopbaan al oor twee dekades strek. Maar die Kaap het ook ’n spesiale plekkie in haar hart sedert sy in 2018 vir werk hierheen verhuis het. Die lewenslustige en sportiewe Roxy is ook nou ’n Kapenaar, nadat sy onlangs by haar ma hier in Gordonsbaai aangesluit het, en sy is netso dolverlief op die mooie Kaap.
Melanie se glimlag verbreed as sy gesels oor haar ewebeeld-dogter, wat in 2017 ook saam met haar ma op Kuier se voorblad gepryk het. “Roxy is outgoing, vriendelik en sy maak baie maklik vriende,” vertel Melanie. “Ek dink ook sy het baie toneelspelvermoë. Sy is baie tough en vasbeslote. Ons persoonlikhede is baie eenders, maar sy het haar pappa se sin vir humor.”
Die aktrise kyk liefdevol na haar pragtige meisiekind voor sy verder