DIS sesuur die oggend toe my alarm skel.
Elke sel in my liggaam skree om dit net dood te druk en verder te slaap.
Maar die vrees dat Lindie my nek sal omdraai, jaag my vinnig uit die bed uit.
Sy het reeds die vorige dag die hele familie getraumatiseer toe sy aandring dat ons ure lank voor ’n professionele fotograaf moet poseer. Dít nadat sy almal ’n week vantevore al laat weet het ons moet pastelgroen vir die fotosessie dra.
Pastelgroen? Wie dra pastelgroen?
Nou moet ons vanoggend op ’n drie uur lange game drive gaan.
Dis mos almal se droom: Om in ’n voertuig te sit en tussen leeus rond te jaag.
Maar dis Bridezilla se wens dat die familie saam-saam op ’n wildreservaat kuier en saam-saam renosters, bokke en olifante sien om haar huwelik
