BLY weg, hulle is van die bose. Só is Mbali Mtshali kleintyd deur die grootmense geleer. En ja, sy was vrek bang vir slange, want daar tussen die golwende groen heuwels van Inanda in KwaZulu-Natal was dié reptiele volop.
Mbali het mooi geluister en eers op die ouderdom van 20 die eerste keer aan ’n slang gevat. “Dit was ’n baie vreemde ervaring. Ek was vrek bang,” onthou sy.
Maar vandag voel Mbali (31) duidelik anders. In haar arms hou sy vir Targeria, ’n koningluislang, asof sy ’n brose baba is. “Weet jy slange is banger vir mense as wat mense vir slange is? Hulle gaan nie uit hul pad om jou aan