SY MA het groot drome vir hom gedroom toe sy die naam Cantona gekies het. Dalk sou haar babaseun – haar eersteling – eendag naam maak in die toneelwêreld soos die Franse akteur en voormalige sokkerspeler Eric Cantona na wie sy hom vernoem het.
Maar Cantona James se ma was nie hier om te sien hoe hy sy TV-debuut as die hawelose Daniël in Arendsvlei maak nie, en sy is ook nie hier om hom te sien skitter in die hoofrol van die nuwe internasionale TV-aksiedramareeks Spinners nie.
Dié reeks sal – nes sy destyds gedroom het – vir hom oorsee nuwe deure oopmaak, want nog voor die amptelike uitreiking daarvan het dit al verskeie pryse en ’n staande
