SY WAS destyds pas klaar studeer toe sy as plekaanwyser by die Baxter-teater in Kaapstad begin werk het. Met elke vertoning het sy by die deur gestaan en kaartjies geskeur en gedroom dat dit eendag sý sal wees wat op daardie verhoog staan.
Dan sou Carmen Maarman (44) haarself belowe: Ek gáán daar uitkom; dit gáán my werklikheid wees.
En vandag, meer as twee dekades later, is dit so. Die aktrise is nou weer op kykNET te sien as die vurige Maggie Jantjies in die derde seisoen van die komediereeks Lui maar op, Belinda – ’n rol wat sy in 2019 die eerste keer vertolk het.
Dis die einste Maggie wat alles vir Carmen verander het. Ja, daar was teaterrolle, maar die kleinskerm en
