Stefaans Coetzee se tweede boek, (Lux Verbi, 2023), is swaar om te lees. Dit begin met ’n vertelling van sy kinderjare – ’n alkoholis-pa, ’n afwesige ma, hoe hy en sy sussies in ’n kinderhuis eindig. Uit ’n soeke na aanvaarding spruit slegte keuses en Stefaans is later deel van ’n verregse AWB-groep wat saans mense op straat aanrand en onder meer treinspore saboteer. Die laaste hoofstuk van dié pad is Oukersaand 1996, toe Stefaans op 17 ’n tuisgemaakte bom in ’n Shoprite op Worcester plant. Vier mense, drie van hulle kinders, is in die ontploffing dood en meer as 60
