KUBERKUIER
Hoekom Maleisië?
Toe ek verlede jaar aftree, was daar die vooruitsig van sielsalige dae in die sprokiesagtige Simonstad. Min het ek geweet dat ’n heerlike avontuur op my wag wat stereotipiese aftrede sou fnuik.
My kinders verlaat die land een ná die ander en drie uit die vyf is reeds weg.
Toe my dogter Liezel aankondig sy gaan in Maleisië skoolhou, het ons besluit ouma gaan saam.
Ek het al in agt lande gewoon en gewerk as onderwyseres in skole van die IBO (International Baccalaureateorganisasie). En toe ek nog ’n land kon ontdek, het ek die kans aangegryp.
Aanvanklik was die idee om Liezel en my kosbare kleindogters Kaela en Olivia te help vestig, maar nou lyk dit of dit ’n meer permanente verblyf vir my sal wees.
Die lande waar ek al gewerk het, buiten Suid-Afrika, is Soedan, die Verenigde Koninkryk, Kenia, China, Egipte, Namibië en Uganda.
Maleisië is verreweg die sagste, mooiste en vriendelikste van