Ek het die Okavangodelta die eerste keer in 2015 besoek as joernalis vir die destydse WegRy-tydskrif. Ons toergroep se eerste twee nagte was langs die dorre Makgadikgadipanne en van daar het ons na die waterryke delta gereis.
Skielik was ek in die omgewing wat ek al op soveel dokumentêre films gesien het! My mond het oopgehang vir hierdie stukkie paradys en sy oorvloed diere. Hierdie is ’n égte wildernis en dis ’n voorreg om ’n toeskouer van die natuur se skouspel te wees.
Deesdae neem ek gaste na die hartjie van die delta as ’n private gids vir die toermaatskappy Black