LEES MEER OOR
• FYN se geheim vir volhoubaarheid
• Oes land tot see vir ’n wêreldklas-restaurant
• Volhoubaar kook, die toekoms van kos
“Absoluut nie!” lag sjef-eienaar Peter Tempelhoff (’n oudstudent van die Institute of Culinary Arts op Stellenbosch) op die vraag of hy enigsins gedink het dat FYN die Flor de Cañatoekenning vir volhoubaarheid by The World’s 50 Best Restaurants se glansgeleentheid in Junie 2023 sou wen. FYN was in 2022 nommer 37 op dié wêreldranglys en moes as ’n formaliteit die volhoubaarheidsvraelys in 2023 voltooi.
Die wenner van die gesogte toekenning word aangewys op grond van ’n oudit deur die Sustainable Restaurant Association, wat restaurante beoordeel volgens die drie fokus-areas van hul Food Made Good Standard: voedselbronne, die samelewing en die omgewing.
“Ek het geweet ons is redelik volhoubaar, aangesien Suid-Afrikaanse restaurante oor die algemeen volhoubaar bedryf word. Omdat ons so ver weg van alles is, word omtrent alles plaaslik geproduseer. Alles wat jy in FYN sien, is deur plaaslike vakmanne vervaardig, buiten die delikate
