LEES MEER OOR
● Maak jou eie pastadeeg
● Ravioli vir ’n uithang-okkasie
● Boerewors-bolognese
Pasta-sukses
1 GENOEG WATER
Sorg dat jou pot groot genoeg is en ook genoeg water bevat om die pasta te kook. Jy het vier dele water teenoor een deel pasta nodig, dan beweeg die pasta makliker in die water en word eweredig gaar.
2 NET GAAR
Tuisgemaakte pasta word gouer gaar as droë pasta: 2-3 minute is meer as genoeg. As jy dit te lank kook, raak die pasta pap en onaangenaam.
3 VRIES DIT
Jy kan die pasta vries sodra jy dit klaar gemaak het. Sny dit in die dikte wat jy benodig, vorm netjiese ronde nessies en vries in ’n lugdigte vriesbestande bak. Maak vanaf bevrore gaar.
