VERBEEL jou jy word lewend opgevreet – stukkie vir stukkie verorber deur iets wat jy nie eens kan sien nie.
“Dit was soos om hierdie been te vat en in brandende kole te sit,” beskryf Lalie Reyneke (56) die pyn wat sy moes verduur.
“En dan vat jy nog kole en gooi dit bo-oor. Dis hoe dit dag en nag gevoel het, sonder ophou.”
Haar nagmerrie het twee jaar gelede begin toe ’n sny aan haar been tot nekrotiserende fassiitis gely het – ’n seldsame siekte wat deur bakterieë veroorsaak word – “vleisvretende” bakterieë.
Terwyl die dodelike infeksie deur haar bloedstroom versprei het, het haar regterbeen eers vol blase geraak. ’n Paar dae later het dit van