DIT was veronderstel om ’n dag van feesviering te wees – ’n uitstappie om sy meisie op te beur.
Andile Matomela was trots op Saffron Shaw wat so moedig gestry het om weer te leer loop en praat ná die verskriklike paar maande wat sy trotseer het. Sy het in Oktober verlede jaar op 27 ’n beroerte gehad en moes daarna ’n noodoperasie ondergaan waarin ’n deel van haar skedel verwyder is.
Daarna het ’n ingewikkelde prosedure gevolg waar ’n 3D-gedrukte model van die stuk been wat verwyder is in haar kop geplaas is. Dit is gevolg deur omvattende rehabilitasie en terapie om haar te help om weer te leer praat en loop. Dit was ’n berg, maar sy het dit uitgeklim.
