Net nóg vae beloftes oor plaasaanvalle
Terwyl plaasaanvalle en -moorde oor dekades ’n groeiende bloedspoor op die Suid-Afrikaanse landskap laat, en selfs die buiteland toenemend daarvan kennis neem, is daar net meer vae beloftes van die ANC-regering oor optrede om dit te voorkom.
Die VF Plus het adj.pres. Paul Mashatile in die nasionale raad van provinsies (NRP) daarop gewys dat die organisasie Human Rights Watch oor die voorkoms van plaasaanvalle sedert 1994 noem daar is ’n sigbare gebrek aan regeringsoptrede hieroor.
Luidens statistieke van TLU SA was daar in Januarie vanjaar landwyd 18 aanvalle en 2 moorde, in Februarie 15 aanvalle en 2 moorde, in Maart 17 aanvalle en 4 moorde, in April 8 aanvalle en 6 moorde, in Mei 9 aanvalle en 2 moorde, in Junie 12 aanvalle en 10 moorde, en in Julie 15 aanvalle en 4 moorde. Tot 26 Augustus was daar 10 aanvalle en 2 moorde.
Dit is ’n totaal van 104 aanvalle en 32 moorde, en die slagoffers is wit en swart. Hierdie syfers, al is dit hoe skokkend, vertel boonop nie die volle verhaal van die gevoellose wreedheid wat met die aanvalle gepaard gaan nie. Mense word ure lank gemartel en onder meer met warm kookolie en strykysters gebrand. Dit is deel van die tragedie.
Die VF Plus wou van Mashatile weet watter optrede in plek gestel
