t – teelepel/s e – eetlepel/s k – koppie/s
ROKERIGE STEAK-TACO’S met CHIPOTLE ESQUITES-SLAAI
GENOEG VIR 4-6 MENSE / BEREIDING: 20 MIN. / GAARMAAK: 15 MIN.
Hierdie klassieke Mexikaanse straatkos kry woema met ’n gebraaide taco.
CHIPOTLE ESQUITES-SLAAI
◗ 4 mielies, blare verwyder
◗ olyfolie
◗ 1 avokado, geskil en in blokkies gesny
◗ 2 wiele fetakaas, gekrummel
◗ 2 sprietuie, in fyn skywe gesny
◗ ’n hand vol vars koljander, gekap
◗ 2 chipotle-rissies in adobosous, gekap
◗ 1 knoffelhuisie, fyngekap
◗ 30-45 ml (2-3 e) mayonnaise
◗ 15 ml (1 e) paprika
◗ skil en sap van
◗ 1 lemmetjie seesout en vars gemaalde swartpeper, na smaak
STEAK EN TACO’S
◗ 600 g kruisskyf of riboogsteak
◗ olyfolie
◗ seesout en vars gemaalde swartpeper of jou gunstelingbraaispeserye
◗ meel-of mielietortillas
VIR VOORSIT
◗ groenrissiesous (opsioneel)
◗ lemmetjiewiggies of -helftes
1 Slaai Bedruip die mielies met ’n bietjie olyfolie en braai dit oor hoë hitte om dit te skroei. Wanneer die mielies aan alle kante geskroei is, haal van die hitte af en laat afkoel. Sny die pitte van die stronke af en plaas in ’n mengbak. Voeg die oorblywende slaaibestanddele by en meng goed. Geur met die sout en peper en hou eenkant.
Bedruip die steak met die olie, en geur. Braai 3-4 min. per kant oor warm kole of tot 50 °C op ’n vleistermometer vir halfgaar. Laat rus terwyl jy die tortillas oor die vuur verhit. Plaas die warm