t – teelepel/s e – eetlepel/s k – koppie/s
PREGO-ROLLETJIES met STEAK
GENOEG VIR 4 MENSE / BEREIDING: 15 MIN. / MARINEER: 1 UUR OF OORNAG / STAAN: 35-40 MIN. / GAARMAAK: 15 MIN.
Ons gebruik ons tuisgemaakte piri-pirisous vir die resep. As jy nie reeds dié sous gemaak het nie, gebruik jou ander gunstelingbrandsous.
STEAK
◗ 350-450 g lendesteak
◗ 4 lourierblare
◗ 60 ml (¼ k) piri-pirisous (sien resep op bl. 25)
◗ 15 ml (1 e) rooiwynasyn
◗ 30 ml (2 e) witwyn (opsioneel)
◗ ’n bietjie olie, vir braai
◗ sout, na smaak
◗ ’n klontjie botter
SMEERSOUS
◗ 60 ml (¼ k) mayonnaise
◗ 30 ml (2 e) piri-pirisous
◗ ’n hand vol vars pietersielie, gekap
◗ ’n skeut suurlemoensap
AFRONDING
◗ 4 Portugese broodrolletjies, oopgesny en gesmeer met botter of margarien
◗ ekstra piri-piri-sous, indien verkies
Voer ’n bakplaat met foelie uit.
1 Steak Plaas die steak in ’n marineerbak. Meng die res van die bestanddele, buiten die olie, sout en botter, goed en giet oor die steak. Maak seker die steak is goed met die sous bedek.
2 Laat die steak 1 uur of oornag in die yskas marineer – draai dit af en toe om sodat dit goed marineer. Haal die steak 30 min. voor jy dit wil gaarmaak uit die yskas uit sodat dit kamertemperatuur kan bereik.
Voorverhit die oond tot 230 °C. Haal die steak uit die marinade en hou die oorblywende sous eenkant. Klad die vleis liggies droog en smeer dit met ’n
