Griekse feeskos
KITS-GEMARINEERDE OLYWE
GENOEG VIR 6-8 MENSE AS ’N HAPPIE
BEREIDING: 10 MIN.
MARINEER: OORNAG OF 2-3 DAE
Dreineer 400 g olywe en pak in ’n fles of glasbak. Sny 2 wiele fetakaas in blokkies en voeg by die olywe. Skil en kneus 6 knoffelhuisies en voeg saam met ’n paar takkies vars tiemie, 15 ml (1 e) droë origanum, die skil van 1 suurlemoen en 125 ml (½ k) olyfolie by die olyfmengsel. Meng liggies, seël goed en laat minstens oornag of 2-3 dae in die yskas marineer.
SPINASIE-DOLMADES
LEWER ONGEVEER 8-10
DOLMADES
BEREIDING: 20 MIN.
GAARMAAK: 30 MIN.
VULSEL
◗ 30 ml (2 e) olyfolie
◗ 2 rooi-uie, fyngekap
◗ 2 knoffelhuisies, fyngekap
◗ 375 ml (1½ k) langkorrelrys, afgespoel
◗ ’n knippie sout
◗ sap en gerasperde skil van 1 suurlemoen
◗ 15 ml (1 e) suurlemoensap
◗ ’n hand vol pietersielie, fyngekap
◗ 15 ml (1 e) elk gekapte vars of 5 ml (1 t) elk droë origanum en ment
◗ 15 ml (1 e) gekapte vars dille
◗ 100 g sonneblomsade, gerooster
◗ sout en vars gemaalde peper, na smaak
DOLMADES
◗ 8-10 groot spinasieblare
◗ olyfolie (opsioneel)
◗ suurlemoenwiggies
◗ growwe seesout
Verhit die olie in ’n kastrolletjie en braai die helfte van die uie tot sag. Voeg die knoffel by en braai tot geurig. Roer die rys by en roerbraai 5 min. Giet 750 ml (3 k) water en ’n knippie sout by en
