Donnalee
Donnalee oor baba Luca
Donnalee oor die driejarige Cameron
Donnalee Roberts sit voete onder haar ingevou op die rusbank in hul Kaapse huis. Sy is ’n bondel energie. Spontaan en die ene lewenspassie.
Dís hoe ons haar leer ken het. Dís wie sy is.
Die talentvolle aktrise is tans in die sielkundige riller Blindelings te sien. Daarin is haar oë dood, sielloos.
Maar vandag met ons onderhoud is haar oë lewendig en blink. Baba Luca is skaars twee maande oud, en jy kan Donnalee weer deur ’n ring trek. Sy het ook al kans gesien vir die fotosessie vir hierdie SARIE-voorblad, “so kosbaar met ons seuntjie”.
Saam besit sy en haar man, Ivan Botha, die produksiemaatskappy 17 Films. Sewentien is hul gelukkige nommer, vertel sy. Ook die dag waarop hulle getroud is, 17 Mei.
Die twee, ontmoet het, is veral bekend vir hul lokettreffers, die romantiese avontuurfilms (2014) en (2016). Dis rolprente “met ’n hartsboodskap” wat ook in Spaans en Duits oorgeklank is. (2018) en (2022) het gevolg.