FRANKRYK OP DIE VELD EN TAFEL
Op die veld Die Hane gaan onder leiding van hul kaptein, Antoine Dupont, probeer om dieWêreldbeker op eie bodem te verower. Hulle was al drie keer in die eindstryd van die toernooi, maar het al drie keer verloor – teen Nieu-Seeland in 1987 en 2011 en teen Australië in 1999.
Op die tafel Ons dink dikwels aan Franse kos as fynkos, maar van die geurigste geregte is hartlike trooskos uit die Franse platteland. En moenie die glas wyn vergeet nie!
TARTIFLETTE (KAAS-EN-AARTAPPELGEBAK)
GENOEG VIR 6 MENSE
JY BENODIG
● 15 ml (1 e) botter
● 15 ml (1 e) olyfolie
● 1 ui, gekap
● 125 g rugspek, in repies gesny
● 3 ml (ruim ½ t) vars tiemie
● 1 kg aartappels, geskil, gekook en in 1 cm-skywe gesny
● 80 ml droë witwyn
● 700 g sterk cheddarkaas, in skywe gesny
● ekstra tiemie vir oorsprinkel
Voorverhit die oond tot 200 °C. Smeer ’n 19 cm-losboompan.
Verhit die botter en olie in ’n pan en braai die ui tot deurskynend. Voeg die spek by en braai tot gaar.