Vat ’n pakkie maalvleis…
Gevulde konsertina-eiervrug met krummels en kruie
As ek dink aan blink, pers eiervrug, tower dit ’n Italiaanse kosmark in my geestesoog op!
Maak 4 ruim porsies • Voorbereiding: 40 minute • Gaarmaaktyd: 1 uur, 10 minute • Oondtemperatuur: 180°C
• 4 mediumgroot eiervrugte
• 30ml sout
• 500g maalvleis
• 1 klein ui, gerasper
• 125ml droë broodkrummels
• 80ml parmesaankaas
• 15ml gekapte platblaarpietersielie
• 5ml gedroogde basilie
• 3 ansjovisfilette, gekap
• 1 eier
• 2 lourierblare, gekap
• 500ml pomodorosous
• 500ml witsous (maak self of koop klaar)
• 125ml broodkrummels
• 125ml ekstra parmesaankaas
• ’n hand vol vars basilieblare as garnering
1 Maak die konsertina-eiervrugte deur die blink lywe in 1cm-skywe te sny sonder om reg deur te sny. Geur oraloor met fyn sout en laat sweet sowat 15 minute in ’n vergiettes.
2 Kombineer intussen die maalvleis met die ui, broodkrummels, parmesaankaas, pietersielie, basilie, ansjovis, eier en lourier tot net gemeng. Die parmesaan en ansjovis is sout genoeg, so moenie ekstra byvoeg nie.
3 Voorverhit die oond. Druk die eiervrug goed droog en vee enige oortollige sout af. Vul nou die openinge tussen die eiervrugskywe met die maalvleis.
4 Giet die tamatiesous onderin ’n vuurvaste oondbak en pak die knuppeldik eiervrugte daarin. Skep die witsous oor en strooi die krummels en ekstra parmesaankaas oor. Bedek die bak met ’n deksel of foelie en bak vir 1 uur.
5 Maak die bak oop en rooster nog 15 minute totdat die bolaag goudbruin is. Strooi die vars basilie oor en sit voor.
Maalvleis met bravastamatiesous en chorizo
My Spaanse weergawe van ’n Italiaanse bolognese is net
You’re reading a preview, subscribe to read more.
Start your free 30 days