SAMPIOENBURGERS MET HALLOUMI, KARAMEL-UIE EN AVOKADO
Gekaramelliseerde uie neem lank en is ’n liefdestaak wat ’n haastige mens liewer nie moet aanpak nie! Skink ’n glas wyn en geniet die heerlike aromas terwyl jou uie stadig braai.
Maak 4 burgers • Voorbereiding: 45 minute • Gaarmaaktyd: 1 uur
• 30 ml olyfolie
• 8 groot bruin sampioene
• 8 gemarineerde sondroë tamaties (sien kassie)
• 4 dik skywe (sirkels of vierkante) halloumi
• ’n hand vol babaspinasie
• 1 eiervrug, in dun skyfies gesny en gaar gebraai
• 1 ryp avokado, geskil en in skyfies gesny (besprinkel met suurlemoensap)
• ’n paar basilieblare as garnering
KARAMEL-UIE
• 3 wit uie, geskil en dungesny
• 30 ml olyfolie
• 5 ml ligbruinsuiker
• ’n klont botter
• 15 ml balsemiekasyn
1 Karamelliseer die uie Skep die uie by 250 ml kookwater in ’n pan en kook stadig tot die pan droog is. Deur die uie eers ’n bietjie sag te kook voor dit begin braai, is daar ’n kleiner kans dat dit verkleur voor dit sag is.
2 Voeg dadelik die olie by en braai nou stadig oor matige hitte terwyl jy af en toe roer tot die uie mooi ligbruin is (sowat 30 minute).
3 Voeg die suiker en botter by en braai nog 5-10 minute tot ’n diep, ryk bruin kleur. Roer laaste die balsemiekasyn by en braai ’n laaste paar minute. Ek hou van ’n knippie sout by om die soet te temper – besluit self.
4 Braai die sampioene in ’n bietjie olyfolie in ’n dikboompan tot gaar en geurig (sowat 5 minute aan ’n kant). Skep dadelik die sondroë tamaties en ’n bietjie van hul marinade in die sampioen-
“bakkies” en hou gereed.
5 Gebruik dieselfde pan en braai die halloumiskywe oor hoë hitte in nog ’n bietjie olie tot goudbruin alkante.
6 Stel die burgers saam Skep ’n ruim porsie karamel-uie op vier van die gaar sampioene, stapel dan die spinasieblare, gaar halloumi, gebraaide eiervrug en avokado daarop. Sit ’n tweede sampioen bo-op, en lê weg!
Marineer jou eie sondroë tamaties
Bedek 125 ml met kookwater en laat dit week vir 30 minute of tot sag en buigsaam. 60 ml - of by, asook 1 gekapte , ’n knippie en ’n . Laat dit minstens 1 uur marineer en bêre dan in die yskas tot nodig.