Stuur tuininligting en -vrae na tuine@tuis.co.za.
Skep ’n voedsame woud in jou tuin!
Die meeste tuiniers mik na ’n “woud” van blomme op hul werf, maar het jy al ooit oorweeg om ’n koswoud op jou eiendom te skep? Die volgende twee wintermaande is ideaal vir die beplanning en aanplanting van ’n eetbare woud met basies sewe elemente:
’N BLAREDAK VAN GROOT VRUGTE- EN NEUTBOME soos appelkoos-, pruim- en peerbome, asook verskeie neutkultivars. Doen ’n bietjie navorsing en maak seker jy kies die beste oesdraende bome wat geskik is vir jou streek.
’N LAER LAAG MET KLEINER VRUGTEBOME soos ‘Early Red One’-appelbome en ‘Red Lady’-papajabome (dwerggrootte), asook ‘Lapins’-kersiebome (halfdwerggrootte).
STRUIKE SOOS BESSIES EN KERSIES Hierdie soorte kan almal nou geplant word: frambose, aalbessies, appelliefies, boysenbessies, aarbeie en swartbessies.
’N KRUIDAGTIGE LAAG met medisinale en kookkruie, metgeselplante en byevriendelike plante.
GRONDBEDEKKERS wat die grond beskerm, verdamping verminder en onkruidgroei keer.
DIE RISOSFEER Dit is die laag onder die grond waar jy jou gunsteling-wortelgroente soos aartappels, wortels, beet en gemmer kan kweek.
met rank- en klimplante. Hier kan jy na hartelus plante met blomme en eetbare vrugte kombineer. Kies druiwe, rankboontjies en
