Stuur tuininligting envrae na tuine@tuis.co.za
Nou is die tyd om te begin werk aan ’n lentetuin vol kleur. Koop lenteblombolle in Maart sodat jy die beste gehalte en verskeidenheid kan bekom, maar plant dit eers in April, wanneer die grondtemperatuur begin daal. Bolle kan talle vorms en groottes hê, maar sorg dat dié wat jy kies, ferm en sonder merke is. Buiten affodille en hiasinte, waarop ons vandeesmaand die kollig laat val, kan jy ook Allium ‘Winter Fairy’, Babiana-kultivars en natuurlik al die tulpe waarop jy jou groen vingers kan lê, by jou lenteversameling voeg!
Affodille vir Afrika
Die affodil () groei in die herfs en winter wanneer bome rondom die bolle hul blare afgooi en sonlig in die koel seisoen deurlaat. Hierdie manjifieke blomme pas goed tussen klein grondbedekkers en jaarplante in beddings in halfskadu, asook by ander skaduliewende bolplante. In die huis vaar hulle goed in diep potte naby ’n vensterbank wat ’n bietjie oggendson kry. Voeg heelwat kompos en ’n hand vol beenmeel by wanneer jy die bolle plant. Hou die grond klam maar nie deurnat nie, en maak seker die potte dreineer goed. Plant bolle in die tuin só dat daar 5 cm grond bo