SO SMAAK sonskyn!
Watwou Pringles! Wie kan nou ’n warm, krakerige hopie tentakels op die bord weerstaan? – Felicity Cloake, theguardian.com
Eiervrugslaai met gebraaide halloumi
So ’n allemintige slaai is heerlik as by- óf voorgereg, en kan selfs ’n vegetariese hoofgereg word met pitabrode daarby. Onthou, gebraaide halloumi is op sy lekkerste warm.
Genoeg vir 6–8 as bygereg Bereidingstyd: 30 minute Gaarmaaktyd: 20 minute
• 2 mediumgroot eiervrugte
• 30ml olyfolie
• 15ml rooiwynasyn
• 1 fles (280g) oliegemarineerde artisjokkwarte, gedreineer
• 1 klein rooi ui, in ringe gesny
• 200g kersietamaties
• 8 mini-komkommers, elk in die lengte in kwarte gesny
• 45ml granaatpitte
• 60ml vars mentblare
• 1 blok (sowat 300g) halloumi-kaas
• sowat 45ml meel
• ’n knippie gedroogde ment
• ’n klont botter en ’n skeut olyfolie
1 Sny die stingelente van die eiervrugte af en sny elke eiervrug oor die breedte in ronde skywe, 3mm dik. Strooi sout oor en laat staan vir sowat 5 minute. Druk droog met kombuispapier.
Verhit ’n riffelpan en braai die skyfies in sarsies, sonder om olie te gebruik, tot daar mooi swart lyntjies aan albei kante gebraai het. Meng nou met die olyfolie,
