Die meeste mense gaan na ’n Proteakrieketwedstryd om vir Kagiso Rabada of David Miller te sien. Maar dis dikwels ’n speler soos Andile Phehlukwayo wat met ’n bedeesde boulaanval ’n gevaarlike kolwer uitboul en die wedstryd wen. Tog hoor jy selde Andile se naam in gesprekke.
Die Goegap-natuurreservaat is soos Andile. Hoe moet die klein provinsiale reservaat meeding met die Krugers en Kgalagadi’s van Suid-Afrika?
Dalk neem mense die reservaat nie ernstig op nie omdat dit so knus teen ’n dorp lê. Die ingangshek is net 15 km suidoos van Springbok. Of dalk reken mense teen 150 km² is dit te klein om ’n wildernisgevoel te hê.
Die ander ding is dat dit in Namakwaland lê en dan dink mense mos net aan blomme. As hier nie blomme is nie, hou hulle verby na bekender en gewilder bestemmings soos die Richtersveld of Namibië.
Eintlik maak Goegap se