![f0010-01](https://article-imgs.scribdassets.com/7oiz9dp7ggb6imlo/images/file41MY395Z.jpg)
OR ’n jaar en ’n half het sy ’n pad saam met hom gestap. Twee keer per week het hy voor haar gesit. ’n Gebroke man. Iemand wat moedig geveg het om sy lewe om te keer. “Hy sou dikwels hier teenoor my op die bank kreun en steun van die pyn. Hy het soms swaar opgestaan ook,” vertel Helena Niedinger, ’n sielkundige en dominee, oor die toestand waarin sy Derick Hougaard, eens een van die land se grootste sportsterre, maar nou ’n stukkende man, voor haar gesien het.
In dié tyd het hulle ’n band van vertroue en steun opgebou terwyl sy hom probeer help het. Sy het “ ’n sielsband” met hom ontwikkel, sê Helena.
Daarom voel sy nou aaklig oor ’n onlangse onderonsie buite die Pretoriase hospitaal waar die voormalige Springbokrugbyspeler opgeneem is en dae lank in ’n geïnduseerde koma was.
Sy wou maar net gaan help, vertel Helena oor haar