HULLE word “popaholics” genoem. Mense wat ’n vreemde vreugde daaruit put om te sien hoe puisies en ander groeisels gepop word.
Op die oog af klink dit na ’n grillerige subkultuur. Maar dink weer.
Die held van Suid-Afrika se popaholics, ’n dokter wat so bedrewe met die uitdruk – en uitsny – van puisies en ernstiger velgewasse is dat sy al haar eie TV-program het, is ’n superprofessionele, mooi rooikopdokter en skoonheidspraktisyn wat in ’n pragtige sprokieswoud naby George woon.
Dr. Ansua Steyn (of, as jy dan nou grafies wil raak, Dr. Etter, soos haar nuwe TV-program op VIA bekend staan) wag ons voor haar huis in.
Vandag gaan sy een van my goggatjies – ’n sist wat al byna 20 jaar op my rug groei – vir my help
