‘BIBI, kom in. Bibi kom in. Oor,” sê Palawa die kameelperd. Sy het ’n tweerigtingradio in haar hand.
“Ek hoor jou, Palawa. Hoe kan ek help? Oor,” vra Bibi. Sy het die ander radio in haar hand.
Paloeka die leeu sit en kyk hoe sy twee vriendinne met mekaar oor die klein swart radiotoestelle praat. Dit lyk amper soos twee outydse selfone.
“Ons het ’n videoboodskap gekry met die vraag van die dag. Is julle reg vir Operasie Groot-vraagvan-die-dag? Oor,” sê Palawa.
“Positief. Ons is in posisie en sal daarna luister. Oor en uit,” sê Bibi. Sy sit die tweerigtingradio neer.
“Dit is hope pret. Ek sal hierdie speletjie
