DIS pikdonker in die Babbelboomhuis. Palawa die kameelperd val amper oor Paloeka die leeu se boublokkies wat hy op die mat vergeet het.
“Paloeka? Bibi? Waar is julle?” roep Palawa. Sy kan skaars voor haar sien.
“Ek is hier,” roep Paloeka.
“Waar is hier?” vra Palawa. Sy voel deurmekaar.
“Hier langs jou,” sê Paloeka hard.
“Bibi, ek kan nie sien nie. Wat gaan aan?” vra Palawa.
Skielik gaan die lig in die Babbelboomhuis aan.
“Jammer julle, die krag was so ’n rukkie af; dis hoekom dit so vreeslik donker in die boomhuis was,” sê Bibi.
“Sjoe. Julle kan bly wees, want ek het amper ’n keel opgesit, hoor,” sê Palawa.
“Hoe doen ’n mens dit? Jou keel is dan klaar in jou lyf?” vra Paloeka.
“Nee, man, met keel opsit bedoel ek ek het amper begin gil van die skrik. Julle weet
