DIS ’n opwindende dag in die Babbelboomhuis. Daar is ’n helderrooi ballon en ’n groot koek op die tafel. Die rede vir die fees? Paloeka die leeu verjaar.
“Veels geluk liewe Paloeka-a-a, omdat jy verjaar!” sing Bibi en Palawa die kameelperd uit volle bors toe Paloeka by die boomhuis aankom.
Paloeka bloos bloedrooi – baie indrukwekkend vir ’n leeu – toe Palawa ’n kartonkroon op sy kop sit.
“Ek het vir jou ’n verrassing,” sê Palawa en gaan haal die toegedraaide geskenk.
“Ek het lank oor die geskenk gedink. Ek moes die kat eers behoorlik uit die boom kyk voor ek besluit het wat ek vir jou gaan gee,” sê Palawa.
“Watter kat? Is hier ’n kat
