VAN KLEINS AF GEWILD
Op skool, so vertel Anslin, “was ek die gewilde een, want ek het alles gedoen. En oor ek bekend was as die skoolsanger.”
In 2019 het hy ook nasionaal bekend geword as een van daardie seisoen se topagt-deelnemers aan The Voice, en sedertdien floreer sy musiekloopbaan.
Naweke kry ’n mens gereeld hierdie Kapenaar iewers aan’t sing op ’n verhoog. Maar dis veral danksy die kuberkollig van TikTok dat sy aanhangersgemeenskap groei en groei.
Sy video’s het al sowat 2 miljoen likes gekry.
Anslin laat jou lekker lag met sy vertellings oor sy doen en late, haal sy danspassies uit en vat jou selfs saam op sy fiksheidsreis. Soos toe hy die nuwe energiedrankie waaroor almal gons op die proef